राजस्थानच्या चुरु जिल्ह्यामध्ये बुधवारी शाळकरी विद्यार्थ्यांची पिकअप व्हॅन पलटून भीषण अपघात झाल्याची घटना घडली आहे. दरम्यान या अपघातात एका मुलासहीत दोन जणांचा मृत्यू झाला आहे. तर 28 विद्यार्थी जखमी झाले आहेत.
पोलिसांनी दिलेल्या माहितीनुसार, कृष्ण मीणा (50) आणि आदित्य (12) अशी मृतांची नावे आहेत. पोलिसांनी पुढे सांगितले की, साहवा येथील मेघसरहून झाडसर गजिया रोडवरुन शाळकरी विद्यार्थ्यांनी भरलेली पिकअप वाहन पलटून एका मुलासहीत दोन जणांचा मृत्यू झाला आहे. तर 28 मुलं जखमी झाले आहेत.
जखमी 20 मुलांना तारानगर उपजिल्हा रुग्णालयात, पाच मुलांना खासगी रूग्णालयात, एका मुलाला साहवा येथे आणि गंभीर जखमी झालेल्या एका मुलाला जयपुर येथे हलविण्यात आले आहे. पोलिसांनी सांगितले की, मृतदेहांना शवविच्छेदन अहवालासाठी रुग्णालयाच्या शवागृहात ठेवण्यात आले आहे आणि पोलीस या घटनेचा अधिक तपास करत आहेत.
