नातवंड म्हणजे आजी-आजोबांसाठी जीव की प्राण असतात. पण गुजरातमध्ये एक खळबळजनक घटना समोर आली आहे. सततच्या रडण्याला कंटाळून आजीने नातवासोबत जे केलं ते पाहून सर्वजण चक्रावून गेले. एक वर्षाचा नातू रडणं थांबवत नव्हता. यामुळे संतापलेल्या आजीने नातवाला सर्वांगावर दातांनी चावा घेतला. इतक्यावर तिचे समाधान झाले नाही म्हणून तिने चिमुकल्याला बेदम मारहाण केली.
आजीच्या मारहाणीत गंभीर जखमी झालेल्या चिमुकल्याला उपचारासाठी रुग्णालयात दाखल करण्यात आले होते. मात्र उपचारादरम्यान चिमुकल्याचा मृत्यू झाला आहे. गुजरातमधील अमरेली जिल्ह्यात ही धक्कादायक घटना घडली. याप्रकरणी कुलशन सैयद या महिलेविरोधात हत्येचा गुन्हा दाखल करण्यात आला आहे. पोलीस प्रकरणाचा सखोल तपास करत आहेत.
