हिंदुस्थानच्या हवाई दलाचे प्रमुख एअर चीफ मार्शल ए. पी. सिंह यांनी लढाऊ विमानांच्या पुरवठ्याबाबत चिंता व्यक्त केली. या प्रकरणी हिंदुस्थान एरोनॉटिकल लिमिटेडवर (एचएएल) विश्वास नसल्याचे वक्तव्य केले.
बंगळुरू एअर शोदरम्यान ए. पी. सिंग यांनी हवाई दलाच्या अधिकाऱ्यांशी बोलताना तेजसच्या वितरणाबद्दल नाराजी व्यक्त केली. हवाई दलाला अद्याप लढाऊ विमाने मिळालेली नाहीत. यासंदर्भात हिंदुस्थान एरोनॉटिकल लिमिटेडकडून ‘होईल, मिळेल’ असे उत्तर नेहमी मिळते. एचएएल ही आपली स्वतःची कंपनी आहे. आम्ही तिथे काम केले आहे. मला असे वाटतंय की आम्ही मिशन मोडमध्ये नाही. सर्वांनी आपली जबाबदारी समजून घेतली पाहिजे. ही गोष्ट गांभीर्याने घेतली पाहिजे.
एचएएलचा खुलासा
एचएएलचे अध्यक्ष आणि व्यवस्थापकीय संचालक डीके सुनील यांनी विमानांच्या डिलिव्हरीला तांत्रिकी समस्येमुळे विलंब होत असल्याचा खुलासा बुधवारी केला. लवकरच हवाई दलाला तेजस देण्यास सुरुवात करू, असेही त्यांनी म्हटले.
