दोन आठवडय़ांपूर्वी नाबाद 419 धावांची घणाघाती खेळी करणाऱया जनरल एज्युकेशन ऍकॅडमीच्या आयुष शिंदेने पुन्हा एकदा झंझावाती फलंदाजीचा करिश्मा दाखवला. त्याने हॅरिस शील्ड आंतरशालेय क्रिकेट स्पर्धेच्या सुपर लीगच्या दुसऱया फेरीत अंजुमन इस्लाम (उर्दू) शाळेविरुद्ध 208 धावांची खेळी करत संघाला पहिल्या दिवशी 6 बाद 357 अशी जबरदस्त धावसंख्या उभारून दिली. अन्य लढतीत मॉडर्न इंग्लिशने 8 बाद 258, अंजुमनच्या इंग्लिश शाळेने 9 बाद 254 अशी मजल मारली, तर ज्ञानदीप सेवा मंडळाचा पहिला डाव 216 धावांत आटोपला. जनरल एज्युकेशनच्या आयुष शिंदेने इशान पाठकच्या (नाबाद 116) साथीने सहाव्या विकेटसाठी केलेल्या 318 धावांच्या भागीमुळे त्यांना 357 धावांवर आपला डाव घोषित करता आला. त्याआधी अंजुमनच्या आरिफ झरीफने 48 धावांत 3 विकेट टिपत जनरल एज्युकेशनला हादरा दिला होता.
