गुजरात राज्यातील काठियावाडी येथील घोडय़ांची मागणी वाढली आहे. बिहारमधील एका खरेदीदाराने पृथ्वी नावाचा घोडा 11.51 लाख रुपये देऊन खरेदी केला आहे. हा घोडा जुनागढच्या राजुभाई राडा यांच्या मालकीचा होता. राजूभाई यांच्याकडे वडिलोपार्जित काठियावाडी जातीचे अनेक घोडे आहेत. यातील पृथ्वी नावाचा घोडा त्यांनी साडेअकरा लाखांत विकला आहे. बिहारच्या पटणा येथील खरेदीदाराने या घोडय़ाला गुजरातहून बिहारला नेण्यासाठी खास रुग्णवाहिका मागवली आहे. घोडय़ाला बिहारला पोहोचण्यासाठी चार दिवस लागणार आहेत.
