2024-25 च्या हिंदुस्थानी संघाच्या कसोटीतील खराब परफॉरमन्सनंतर, हिंदुस्थानचे क्रिकेट नियामक मंडळ (बीसीसीआय) काही कठोर नियम लागू करण्याचा विचार करत आहे. आतापर्यंत खेळाडूंच्या कुटुंबांना, विशेषतः पत्नीला मोठ्या दौऱ्यासाठी राहण्याचे स्वातंत्र्य होते परंतु बीसीसीआय आता काही कडक पाऊले उचलण्याच्या तयारीत आहे. एका रिपोर्टनुसार, बीसीसीआयला वाटते की खेळाडू त्यांच्या कुटुंबांसोबत दीर्घकाळ राहिल्यास परदेश दौऱ्यांवर त्यांच्या कामगिरीवर नकारात्मक परिणाम होतो. म्हणूनच, बोर्ड 2019 पूर्वी अस्तित्वात असलेला नियम पुन्हा लागू करू इच्छित आहे, ज्यामध्ये खेळाडूंसोबत कुटुंबांचा वेळ निश्चित आणि मर्यादित काळासाठी केला जाईल.
दैनिक जागरणमधील एका वृत्तानुसार, बीसीसीआय 45 दिवसांच्या दौऱ्यादरम्यान कुटुंबांना, विशेषतः पत्नीला खेळाडूंसोबत फक्त दोन आठवडे राहण्याची परवानगी देईल. इतकेच नाही तर प्रत्येक खेळाडूला संघातील इतर सदस्यांसह टीम बसमध्ये प्रवास करावा लागेल. एकट्याने प्रवासावरही बोर्डाकडून केले जाईल.
बीसीसीआयने संघाचा कोच गौतम गंभीर आणि त्यांचे व्यवस्थापक गौरव अरोरा यांच्यावरही कडक कारवाई केली आहे. गंभीरच्या व्यवस्थापकाला टीम हॉटेलमध्ये राहण्याची परवानगी दिली जाणार नाही किंवा त्याला स्टेडियममधील व्हीआयपी बॉक्समध्ये बसण्याची परवानगी दिली जाणार नाही. गंभीरसोबत टीम बसमध्ये किंवा त्याच्या मागे बसमध्ये मॅनेजरला परवानगी दिली जाणार नाही.
रिपोर्टमध्ये असेही म्हटले आहे की विमान प्रवासादरम्यान, जर खेळाडूंच्या सामानाचे वजन 150 किलोपेक्षा जास्त असेल तर बीसीसीआय त्यांचे पैसे देण्यास नकार देईल. खेळाडूंना तो खर्च स्वतः उचलण्यास सांगितले जाईल.
टीम इंडियाचा कसोटी आणि एकदिवसीय कर्णधार रोहित शर्मा, मुख्य प्रशिक्षक गौतम गंभीर आणि निवड समितीचे प्रमुख अजित आगरकर यांनी बीसीसीआयच्या वरिष्ठ अधिकाऱ्यांची भेट घेतली, ज्यात नवनियुक्त सचिव आणि खजिनदार यांचा समावेश होता. या बैठकीत या मुद्द्यांवर चर्चा झाली.
विराट कोहली आणि रोहितसह अनुभवी खेळाडूंचे भविष्य तसेच गंभीरच्या प्रशिक्षकपदाचा कार्यकाळ हे बैठकीदरम्यान चर्चेचे प्रमुख विषय होते.
