विसर्जन सोहळ्यात वाहतूककोंडीचे प्रकार होऊ नयेत म्हणून वाहतूक पोलिसांनी खबरदारी घेतली आहे. उत्तर मुंबईतून दक्षिण मुंबईत जाण्यासाठी धर्मवीर स्वराज्य रक्षक संभाजी महाराज रोडचा (कोस्टल रोड) वापर करावा. अटल सेतूकडून दक्षिण मुंबईत विलासराव देशमुख पूर्व मुक्त महामार्ग (फ्री वे) जाण्यासाठी पी. डी’मेलो रोड-कल्पना जंक्शन येथून उजवे वळण घेऊन छत्रपती शिवाजी महाराज टर्मिनस – महापालिका मार्ग – मेट्रो येथून प्रिंसेस स्ट्रीट मार्गे कोस्टल रोडचा वापर करावा.
कुलाबा वाहतूक विभाग
नाथालाल पारेख मार्ग : भाई बंदरकर मार्गे ते इंदू क्लिनिक दोन्ही मार्ग बंद. पर्यायी मार्ग : कॉ. प्रकाश पेठे मार्ग येथून पांडे लेन जंक्शन.
कॉ. प्रकाश पेठे मार्ग : संत गाडगे महाराज ते पांडे लेन चौक उत्तर वाहिनी बंद. या चारही मार्गांवर वाहने उभी करण्यास बंदी असेल.
मरीन ड्राइव्ह येथील नेताजी सुभाषचंद्र मार्ग : एअर इंडिया जंक्शन ते मफतलाल जंक्शन दोन्ही वाहिनीवर पार्किंगला मनाई असेल.
आझाद मैदान विभाग : सीएसएमटी जंक्शन येथून डी.एन. रोड, एल.टी. मार्ग अशी वाहतूक वळवण्यात आली आहे.
काळबादेवी वाहतूक विभाग : अल्फ्रेड जंक्शन ते पोर्तुगीज चर्च हा रस्ता वाहतुकीस बंद राहील. कस्तुरबा गांधी चौक ते नित्यानंद हॉटेल जंक्शन हा रस्ता बंद असून पर्यायी मार्ग म्हणून काळबादेवी रोड व महर्षी कर्वे रोड येथून वाहतूक वळवण्यात येईल. घोडागाडी जंक्शन ते खत्तर गल्ली, चर्नी रोड स्थानक ते प्रार्थना समाज जंक्शन, गुलाल वाडी सर्कल ते सीपी टॅंक रस्ते बंद असतील.
डी.बी. मार्ग वाहतूक विभाग : बँडस्टँड ते मफतलाल दोन्ही मार्गांवर वाहतूक बंद असेल. नवजीवन सर्कल ते एम पॉवेल रोड वाहतुकीस बंद.
वाळकेश्वरचा रस्ता : तीन बत्ती जंक्शन ते बँडस्टँड एकेरी दिशा मार्ग असेल. केनेडी ब्रिज, ऑपेरा हाऊस जंक्शन, मराठे बंधू चौक ते नवजीवन जंक्शन, प्रार्थना समाज बाटा जंक्शन ते प्रार्थना समाज रोड इथे नो-पार्किंग.
नागपाडा वाहतूक विभाग : गुलाबराव गणाचार्य चौक ते खटाव मिल, सातरस्ता जंक्शन ते खडा पारशी जंक्शन, खडा पारशी जंक्शन ते नागपाडा जंक्शन, नागपाडा जंक्शन ते मुंबई सेंट्रल जंक्शन, शुक्लाजी स्ट्रीट ते दोन टाकी जंक्शन, वाहनांना बंदी असेल.
भायखळा वाहतूक विभाग : बावला पंपाउंड ते भारत माता जंक्शन उत्तर वाहिनी वाहतुकीस बंद असेल. चिंचपोकळी जंक्शन ते संत जगनाडे महाराज चौक येथे वाहतूकबंदी असेल.
भोईवाडा वाहतूक विभाग : भोईवाडा नाका ते हिंदमाता जंक्शन बंद. नायगाव क्रॉस ते सरफरे चौक, परेल जंक्शन ते खानोलकर मार्ग हा एकदिशा मार्ग असेल.
