पंतंप्रधान नरेंद्र मोदी यांचे जन्मस्थान असलेल्या वडनगरवरील माहितीपटासाठी दलित समाजाच्या विकासाचा निधी वापरला असा आरोप कर्नाकटचे मंत्री प्रियांक खर्गे यांनी केला. भाजपचा हा दांभिकपणा आहे असेही खरगे म्हणाले
एका पत्रकार परिषदेत खरगे म्हणाले की दलित आदिवासी यांच्या विकासासाठी गुजरात सरकारने पाच कोटी रुपयांचा निधी मंजूर केला होता. पण पंतप्रधान नरेंद्र मोदी यांचे जन्मस्थान असलेल्या वडनगरच्या माहितीपटासाठी हा निधी वापरला गेला. काँग्रेसकडून निधीची गैरवापर केला जातो असा आरोप भाजप करतं, पण भाजपच निधीची गैरवापर करतं हा भाजपचा दांभिकपणा आहे असेही खरगे म्हणाले.
मोदींचे विकासाचे मॉडेल स्पष्ट आहे असे खरगे म्हणाले. दलित आणि आदिवासी यांना दूर करा. भाजप खोट्या बातम्या पसरवतं पण मोदींच्याच काळात सर्वाधिक भ्रष्टाचार झाला आणि त्यांच्याच काळात निधीची सर्वाधिक गैरवापर झाला आहे. असे खरगे म्हणाले.
खरगे यांनी महाराष्ट्र आणि मध्य प्रदेशचेही उदाहरण दिले. महाराष्ट्र सरकारने दलित आदिवासींसाठी दोन हजार कोटी रुपयांचा निधी मंजूर केला होता. पण सरकारने हा निधी शेतकऱ्यांचे कर्ज माफ करण्यासाठी वापरला. मध्य प्रदेशमध्येही दलित, आदिवासींसाठी असलेला 96.76 कोटी रुपयांचा निधी गोसवंर्धनासाठी वापरल्याचा दावा त्यांनी केला.
हिंदुस्थानात दलित आणि आदिवासीपेक्षा गायी श्रेष्ठ आहेत का? भाजपच्या राज्यात आमची प्रतिष्ठाही राखली जात नाही असेही खरगे म्हणाले.
