पश्चिम बंगालमधील पेडोंग येथून सिक्कीममधील झुलुक येथे जात असतानाच लष्कराचे वाहन दरीत कोसळल्याने चार जवानांचा मृत्यू झाला आहे. सिक्कीमच्या पाकयोंग जिल्ह्यातील रेशीम मार्गावर गुरूवारी हा अपघात झाला.
रेशीम मार्ग अशी ओळख असलेल्या रेनॉक रोंगली राज्य महामार्गाजवळ दलोपचंद दराजवळील वर्टिकल वीर येथे लष्कराचे वाहन घसरले आणि सुमारे 700 ते 800 फूट दरीत कोसळल्याचे अधिकाऱ्यांनी सांगितले.
प्रदीप पटेल, डब्ल्यू पीटर, गुरसेव सिंग आणि सुभेदार के थांगापांडी अशी अपघातात मृत्यू झालेल्या जवानांची नावे आहेत. सर्व लष्करी जवान पश्चिम बंगालमधील बिनागुरी येथील युनिटचे होते.
