सोलापूरचे माजी महापौर महेश विष्णूपंत कोठे (वय 59) यांचे आज हृदयविकाराने निधन झाले. प्रयागराज येथे महाकुंभ मेळ्यासाठी गेले असताना त्यांना हृदयविकाराचा तीव्र झटका आला. उद्या (दि. 15) सकाळी त्यांच्या पार्थिवावर जुना पूना नाकाजवळील वैपुंठ स्मशानभूमीत अंत्यसंस्कार करण्यात येणार आहेत. महेश कोठे यांना काही दिवसांपूर्वी हृदयविकाराचा त्रास झाला होता. बायपास सर्जरीही झाली होती. महेश कोठे व त्यांचे मित्र चार दिवसांपूवी कुंभमेळ्यात पवित्र स्नानासाठी प्रयागराज येथे गेले होते. आज पहाटे ते नदीवर स्नानासाठी गेले असता त्यांना त्रास होऊ लागला आणि ते खाली कोसळले. त्यांना रुग्णालयात दाखल केले असता उपचारापूर्वीच त्यांचा मृत्यू झाला. दरम्यान, राष्ट्रवादी काँग्रेसचे अध्यक्ष शरद पवार यांनी कोठे यांना श्रद्धांजली वाहिली.
