भाजपच्या माजी नगरसेविका भीमाबाई पोपटराव फुगे यांनी स्थानिक नेतृत्वाच्या दबावाला कंटाळून भाजपला रामराम करत राष्ट्रवादी काँग्रेस शरदचंद्र पवार पक्षात प्रवेश केला. भीमाबाई फुगे, सम्राट फुगे आणि त्यांच्या सहकाऱ्यांच्या पक्षप्रवेशामुळे उमेदवार अजित गव्हाणे यांची ताकद वाढली आहे.
बारामती येथे गुरुवारी राष्ट्रवादी काँग्रेस शरदचंद्र पवार पक्षाचे राष्ट्रीय अध्यक्ष शरद पवार, खासदार सुप्रिया सुळे यांच्या उपस्थितीमध्ये फुगे यांनी पक्षप्रवेश केला. रविकांत वरपे, विनायक रणसुभे, विशाल वाकडकर, विशाल काळभोर, ह.भ.प. राजाराम महाराज फुगे, राणोजी कंद, दामोदर फुगे, गणपत गव्हाणे, रोहिदास माने आदी उपस्थित होते. भीमाबाई फुगे यांच्यासोबत सम्राट फुगे, प्रसाद कोलते, प्रशांत लांडगे, सुदेश लोखंडे, गणेश कंद आदींनी पक्ष प्रवेश केला.
फुगेंच्या प्रवेशामुळे भोसरीतील समीकरणे बदलणार आहेत. यापूर्वी मोशीतील लक्ष्मण सस्ते यांनी भाजपमधून बाहेर पडत गव्हाणे यांच्यासोबत काम करणार असल्याचे सांगितले होते.
