प्लॅस्टिकच्या कंटेनरमधील जेवण आरोग्यास विशेषतः हृदयासाठी धोकादायक असते, असे नवीन अभ्यासातून समोर आले आहे. जेवण ऑर्डर करणे असो की सुपरमार्केटमधून किराणा सामान आणणे असो, सर्व काही प्लास्टिकच्या पिशव्यांमध्ये येते. मानवी शरीरावर त्याचे दुष्परिणाम होतात असे अनेक अहवाल असूनही, प्लास्टिकच्या डब्यातून जेवणे सामान्य झाले आहे.
सायन्सडायरेक्ट डॉट कॉममध्ये प्लास्टिक कंटेनरच्यावापराबाबत एक अभ्यास प्रकाशित झालंय. प्लास्टिकच्या डब्यातून जेवल्याने आतडयातील बायोममध्ये बदल होऊन जळजळ, रक्ताभिसरणातील बिघाड यामुळे हृदयविकाराचा धोका वाढतो, असे अभ्यासात म्हटले आहे. सायन्स डायरेक्टमध्ये प्रकाशित झालेल्या अभ्यासात याबद्दल माहिती देण्यात आली आहे. प्लास्टिकचे जेवणाचे डबे आणि हृदयरोग यांच्यातील संबंध समजून घेण्यासाठी संशोधकांनी 3,000 हून अधिक चिनी लोकांचा अभ्यास केला. सूक्ष्म प्लास्टिक अन्नात मिसळून आतडय़ात जातात आणि आतडय़ाच्या अस्तराचे नुकसान करतात, अशा निष्कर्षापर्यंत संशोधक पोचले आहेत. दुसरा अभ्यास उंदरांवर करण्यात आला. त्यातूनही असाच निष्कर्ष काढण्यात आला. प्लास्टिकचा अतिवापर हृदयविकाराच्या धोक्याशी संबंधित आहे, असे संशोधकांचे म्हणणे आहे.
प्लॅस्टिक थोडेसे गरम झाल्यावर त्यातून धोकादायक रसायने बाहेर पडतात. प्लास्टिकऐवजी काचेचे किंवा स्टेनलेस स्टीलचे डबे वापरण्याची आरोग्य तज्ञांची शिफारस आहे. प्लास्टिकच्या डब्यात अन्न गरम करू नका, असे सांगण्यात येतंय.
प्लॅस्टिकचा वापर न करणे हे केवळ आरोग्यासाठीच नक्हे तर पर्यावरणासाठीही लाभदायक आहे. ऑनलाईन फूड डिलिवरी प्लॅटफॉर्मकरून जेवण मागकणे आपल्याला सहजसोपे वाटते. मात्र ते आरोग्याला त्रासदायक ठरू शकते. प्लास्टिकची पाकिटे आणि डबे टाळावे. बाहेरून अन्न मागवताना पॅकेजिंग आणि पॅकेजिंग साहित्यावर लक्ष देणे गरजेचे आहे.
