उत्तर प्रदेशातील फिरोजाबादमध्ये भीषण अपघाताची घटना घडली आहे. आग्रा-लखनऊ महामार्गावर बसने ट्रकला धडक दिली. या अपघातात बसमधील पाच जणांचा जागीच मृत्यू झाला. तर अन्य 17 जण गंभीर जखमी झाले असून दोघांची प्रकृती चिंताजनक आहे.
अपघाताची माहिती मिळताच पोलिसांनी तात्काळ घटनास्थळी धाव घेतली. जखमींना तात्काळ उपचारासाठी रुग्णालयात दाखल करण्यात आले आहे. मृतांची ओळख पटवण्याचे काम सुरू आहे. अपघाताचे नेमके कारण अद्याप समजू शकले नाही. पोलीस तपास करत आहेत.
