गोरेगाव पश्चिमेला एका निवासी इमारतीला आग लागल्याची घटना शनिवारी दुपारी घडली. उच्चभ्रू वस्ती असलेल्या कल्पतरू रेडियनस या 31 मजल इमारतीच्या दुसऱ्या मजल्यावर आग लागली. आगीमुळे गुदमरल्याने दोघांची प्रकृती अत्यवस्थ आहे.
जखमींना तात्काळ उपचारासाठी ट्रॉमा केअर रुग्णालयात दाखल करण्यात आले. मनोज चौहान आणि शहाबुद्दीन अशी आगीत गुदमरलेल्या दोघांची नावे आहेत. दोघांवर उपचार सुरू असून त्यांची प्रकृती चिंताजनक असल्याचे महानगरपालिकेने निवेदनात म्हटले आहे.
शनिवारी दुपारी 12.49 वाजता इमारतीत आग लागली. आगीची माहिती मिळताच अग्नीशमल दलाच्या गाड्या घटनास्थळी तात्काळ दाखल झाल्या. दुपारी 2.18 वाजण्याच्या सुमारास आग विझवण्यात आली. आगीचे कारण अद्याप कळू शकले नाही.
