रील्ससाठी परवानाधारक पिस्तुलमधून गोळीबार करणे उत्तराखंडमधील एका महिला डॉक्टरला चांगलेच महागात पडले आहे. व्हिडिओ व्हायरल होताच रुद्रपूर कोतवाली पोलीस ठाण्यात महिला डॉक्टरविरोधात गुन्हा दाखल करण्यात आला आहे. आँचल ढिंगरा असे आरोपी महिला डॉक्टरचे नाव आहे.
डॉ. आँचल ढिंगराने दिवाळीच्या दिवशी आपल्या फार्महाऊसवर थार गाडीजवळ आपल्या पिस्तुलमधून पाच राऊंड फायर करत रील्स बनवली. ही रील्स तिने सोशल मीडिया अकाऊंटवर शेअर केली. रील्स व्हायरल होताच पोलिसांनी प्रकरणाची गंभीर दखल घेत डॉक्टरविरोधात गुन्हा दाखल केला.
सदर व्हिडिओबाबत तपास सुरू असून अहवाल आल्यानंतर पुढील कारवाई करण्यात येईल, असे रुद्रपूरचे सीओ बहादूर सिंह चौहान यांनी सांगितले.
