हल्ली सगळेच मोबाईलच्या स्क्रीनमध्ये गढून गेलेले दिसतात. बस, रेल्वे असू दे किंवा जेवणाचे टेबल… सगळेच मोबाईलमध्ये डोकं खूपसून बसलेले दिसतात. एका अहवालानुसार आपल्या देशातील लोकांनी मागच्या वर्षी एक ट्रिलियनहून अधिक तास मोबाईल फोनवर घालवले आहेत. ‘ईवाय-इंडिया’चा वार्षिक मनोरंजन अहवाल नुकताच सादर झाला. अहवालानुसार, देशात इन्स्टाग्रामपासून नेटफ्लिक्सपर्यंतच्या प्लॅटफॉर्मवर हिंदुस्थानींनी एकत्रितपणे 2024 मध्ये 1.1 लाख कोटी तास स्मार्टफोनकडे पाहत घालवले. व्हायरल व्हिडीओ, गेमिंग, आंतरराष्ट्रीय ट्रिप बुक करण्यासाठी स्क्रिनवर चिकटकलेले असतात. मोबाईलवर जास्त तास घालवणार्या देशांमध्ये इंडोनेशिया आणि ब्राझील या देशांचा अनुक्रमे पहिला आणि दुसरा नंबर लागतो. तिसरा नंबर हिंदुस्थानचा आहे.
l सरासरी दररोज पाच तास मोबाईल स्क्रीनवर घालवतात, त्यापैकी जवळजवळ 70 टक्के तास सोशल मीडिया प्लॅटफॉर्म, गेमिंग आणि व्हिडिओ पाहण्यास युजर्स पसंती देतात, असे गुरुवारी प्रकाशित केलेल्या वार्षिक मनोरंजन अहवालात म्हटले आहे. यामुळे 2024 मध्ये डिजिटल चॅनेल्स हे देशातील 2.5 लाख कोटी रुपयांच्या मीडिया आणि मनोरंजन उद्योगातील सर्वात मोठा भाग बनले आहेत, त्याने टेलिव्हिजनलाही मागे टाकले आहे.
