जम्मू-काश्मीरमध्ये शनिवारी पुन्हा सुरक्षा दल आणि दहशतवाद्यांमध्ये चकमक झाली. बांदिपोरा जिल्ह्यातील पनार परिसरात सुरक्षा दलाला संशयास्पद हालचाली दिसल्याने त्यांनी कारवाई सुरू केली. यावेळी दहशतवाद्यांनी अंदाधुंद गोळीबार केला. सुदैवाने यात कोणतीही जीवितहानी किंवा कुणीही जखमी झाल्याचे वृत्त नाही.
गोळीबारानंतर दहशतवाद्यांनी जंगलात पळ काढला. सुरक्षा दलाकडून बांदिपोरा-पनारच्या जंगल परिसरात सर्च ऑपरेशन सुरू आहे. तसेच शुक्रवारी सायंकाळी झालेल्या गोळीबाराच्या पार्श्वभूमीवर श्रीनगरच्या खानयार भागातदेखील सुरक्षा दलाकडून घेराबंदी आणि शोध मोहीम सुरू आहे.
