विधानसभा निवडणुकीचा अर्ज भरण्याच्या अखेरच्या दिवशी मिंधे गटाने त्यांच्या दोन उमेदवारांसाठी थेट हेलिकॉप्टरमधून एबी फॉर्म पाठवून देवळाली आणि दिंडोरी मतदारसंघात अजित पवार यांच्या गटाला मोठा धक्का दिला आहे. राष्ट्रवादी काँग्रेस पक्षाच्या अजित पवार गटाने देवळालीत आमदार सरोज अहिरे आणि दिंडोरी मतदारसंघात विधानसभेचे उपसभापती नरहरी झिरवळ यांना उमेदवारी दिली आहे. आता देवळालीत राजश्री अहिरराव आणि दिंडोरीतून धनराज महाले यांनी शिंदे गटाच्या वतीने अर्ज दाखल केले.
