अफगानिस्तानमध्ये प्रवासी वाहन नदीत कोसळल्याने 8 प्रवाशांचा बुडून मृत्यू झाल्याची घटना सोमवारी पहाटे घडली. नदीवरील पुलावरून वाहन जात असतानाच हा अपघात घडल्याचे प्रांतिक अधिकाऱ्यांनी सांगितले.
सोमवारी पहाटे 3 वाजण्याच्या सुमारास प्रवासी वाहन नदीवरील लाकडी पुलावरून चालले होते. मात्र पूल जीर्णावस्थेत असल्याने वाहनाच्या वजनामुळे तो तुटला आणि वाहन नदीत कोसळले. यात वाहनातील आठ प्रवाशांना आपला जीव गमवावा लागला.
सिन्हुआ या वृत्तसंस्थेने दिलेल्या वृत्तानुसार, पुलाची जीर्ण स्थिती, ओव्हरलोडिंग आणि निष्काळजीपणे वाहन चालवणे यामुळेच ही अपघाताची घटना घडली. याआधी 5 ऑक्टोबर 2024 रोजी अफगाणिस्तानच्या नूरिस्तान प्रांतात प्रवासी कार दरीत कोसळल्याने महिला आणि मुलांसह किमान सात जणांना आपला जीव गमवावा लागला होता.
