मिंधे गटाचे उमेदवार आणि विद्यमान आमदार अब्दुल सत्तार यांच्या अडचणीत वाढ झाली आहे. सत्तार यांनी उमेदवारी अर्ज भरताना खोटी माहिती सादर केली होती. आता निवडणूक आयोगाने या प्रकरणी चौकशीचे आदेश दिले आहेत.
याबाबत सविस्तर माहिती अशी की महेश शंकरपल्ली यांनी निवडणूक आयोगाकडे अब्दुल सत्तार यांच्या विरोधात तक्रार केली होती. अब्दुल सत्तार यांनी उमेदवारी अर्ज भरताना आपल्या मालमत्तेबाबात खोटी माहिती दिल्याचा आरोप सामाजिक कार्यकर्ते महेश शंकरपल्ली यांनी केला होता. शंकरपल्ली यांनी याबाबत निवडणूक आयोगाकडे रीतसर तक्रारही दाखल केली होती.
आता निवडणूक आयोगाने या तक्रारीची दखल घेतली आहे. तसेच याबाबत 24 तासांत कार्यवाही करण्याचे आदेश आयोगाने दिले आहेत. त्यामुळे अब्दुल सत्तार यांच्या अडचणीत वाढ झाली आहे.
