नवी दिल्लीत होणाऱ्या अखिल भारतीय मराठी साहित्य संमेलनासाठी दिल्लीत महाराष्ट्र सदन मोफत देण्याचे आदेश मुख्यमंत्री देवेंद्र फडणवीस यांनी दिले आहेत. नवी दिल्लीत 21, 22, 23 फेब्रवारी रोजी अखिल भारतीय मराठी साहित्य संमेलन आयोजित करण्यात आले आहे. या साहित्य संमेलनाला देश आणि विदेशातील मराठीजन उपस्थिती लावणार आहेत. मराठी साहित्य संमेलनासाठी महाराष्ट्र सदन देण्याची मागणी आयोजकांनी केली होती. पण मराठी साहित्य संमेलनासाठी महाराष्ट्र सदन मोफत देण्याबाबतच निर्णय होत नव्हता. पण मुख्यमंत्री देवेंद्र फडणवीस यांनी मराठी साहित्य संमेलनासाठी महाराष्ट्र सदन मोफत देण्याचे निर्देश दिले आहेत. ‘एक्स’च्या माध्यमातून मुख्यमंत्री कार्यालयाने ही माहिती दिली आहे.
