ऐन कडाक्याच्या थंडीत दिल्लीतले राजकारण तापले आहे. याचे कारण दिल्ली विधानसभा निवडणूक आहे. आता दिल्ली विधानसभा निवडणुकीबाबत मोठी अपडेट आली आहे. पुढच्या आठवड्यात 7-8 जानेवारीला दिल्ली विधानसभा निवडणुकीची घोषणा निवडणूक आयोगाकडून होण्याची शक्यता आहे, असे सूत्रांकडून सांगण्यात येत आहे. फेब्रुवारीच्या दुसऱ्या आठवड्यात दिल्ली विधानसभा निवडणुकीसाठी मतदान होईल आणि 15 फेब्रुवारीला निकाल लागेल, असे सांगण्यात येत आहे.
दिल्लीत 11-13 फेब्रुवारीला एकाच टप्प्यात मतदान प्रक्रिया पूर्ण करण्यात येईल. मतमोजणी 15 किंवा 16 फेब्रुवारीला होऊ शकते, अशी माहिती सूत्रांनी दिली आहे. एकूणच दिल्ली विधानसभा निवडणुकीसाठी केंद्रीय निवडणूक आयोगाची तयारी अंतिम टप्प्यात आहे. केंद्रीय निवडणूक आयोग दिल्लीत 6 जानेवारीला म्हणजेच येत्या समोवारी मतदार यादी प्रसिद्ध करणार आहे. यानुसार फेब्रुवारीच्या तिसऱ्या आठवड्यात दिल्लीत नव्या सरकारचे चित्र स्पष्ट होईल.
