बॉलीवूडचा दंबग सलमान खानची एक्स गर्लफ्रेण्ड सोमी अली तिच्या स्पष्टवक्तेपणासाठी ओळखली जाते. दरम्यान सोमी अलीवर जीवघेणा हल्ला झाला आहे. सोमीने याबाबत स्वत: खुलासा केला की, ती मानवी तस्करीचा शिकार होणाऱ्या महिलेला वाचविण्याचा प्रयत्नात तिच्यावर हल्ला करण्यात आला आणि त्यात तिचा हात फ्रॅक्चर झाला आहे. एवढेच नाही तर तिला अनेक ठिकाणी जखमाही झाल्या आहेत.
सोमी अली स्वतःला सामाजिक कार्यकर्ती म्हणवते. 48 वर्षीय सोमी सांगते की, ती मानवी तस्करीच्या पिडीतांना वाचवण्यासाठी पोलिसांसोबत मिळून काम करते. सोमी म्हणाली की, पीडितेला घरातून हाकलून देईपर्यंत तिला कारमधून बारमध्ये येण्याची परवानगी नव्हती, असे सोमीने सांगितले. पण या प्रकरणातील तिचा अनुभव पूर्णपणे वेगळा होता. कारण ती बाहेर काही लोकांसह तस्करांची वाट पाहत होती.
मानवी तस्करीचा बळी ठरणारीला वाचविण्याचा प्रयत्न करत असताना तस्करांनी तिचा हात मुरगळला. यामध्ये तिच्या हाताच्या हेअरलाईन फ्रॅक्चर झाला. सोमीने पुढे लिहीले की, जेव्हा मी पिडीतेला वाचविण्यासाठी कारमधून बाहेर आली त्यावेळी तो तस्कर आला, त्याने माझा डावा हात पकडला आणि तो जोरात मुरगळला. मी वेदनेने ओरडू लागले. सुदैवाने यात फक्त हेअरलाइन फ्रॅक्चर झाला, मात्र मला फार वेदना होत असून मी अंथरुणात पडले आहे.
सोमीला डॉक्टरांनी बरी होण्यासाठी 6 ते 8 आठवडे लागणार असल्याचे सांगितले आहे. तिचे मनगट सुजले आहे. डॉक्टरांनी तिला काही काळ प्लास्टर ठेवायला सांगितले आहे.
