आंध्र प्रदेशमधील अनाकापल्ली जिल्ह्यात एका कार्यक्रमात डान्सरने चक्क डान्स करताना कोंबडीच्या मानेचाच लचका तोडल्याचे समोर आले आहे. डान्सरने केलेला हा भयंकर प्रकार पाहून उपस्थित प्रेक्षक देखील हादरले. या प्रकरणी डान्सरविरोधात पेटाने गुन्हा दाखल केला आहे.
या घटनेचा व्हिडीओ व्हायरल झाला असून त्यात डान्सर नाचता नाचता अचानक एक कोंबडी हातात घेतो व दातांनी तिचे मुंडके धडावेगळे करत असल्याचे त्यात दिसत आहे. हा व्हिडीओ व्हायरल होताच पेटाच्या काही कार्यकर्त्यांनी पोलिसांशी संपर्क साधून त्या डान्सर विरोधात तक्रार दाखल केली आहे. या प्रकरणी आरोपी वर भारतीय कायद्यान्वये जनांवरांप्रती अमानुष कृत्य करणे या कायद्याअंतर्गत गुन्हा दाखल केला आहे.
जे प्राण्यांना त्रास देतात त्यांना मानवी जिवाची देखील पर्वा नसते असे दिसून आले आहे. त्यामुळे सर्वांच्याच सुरक्षेसाठी अशा प्रकारच्या घटनांविरोधात तक्रार दाखल होणं गरजेचं आहे, असे पेटा इंडियाचे अधिकारी सिनचाना सुब्रमण्यन यांनी सांगितले.
