मुनव्वरने सहा कोटींचे घर केले खरेदी
स्टॅण्ड अप कॉमेडियन आणि ‘बिग बॉस 17’ चा विजेता मुनव्वर फारूकी याने मुंबईत लग्झरी फ्लॅट खरेदी केला आहे. 1776 स्क्वेअर फुटांचा हा फ्लॅट वडाळा येथे असून यात तीन पार्किंग स्पेस आहे. यासाठी मुनव्वरने 6.09 कोटी रुपये मोजले आहेत. मुनव्वर फारूकीने 16 सप्टेंबरला घराचे रजिस्टर केल्याचे सांगण्यात येत आहे. यासाठी त्याने 36.6 लाख रुपये मोजले आहेत. तसेच रजिस्ट्रेशन फी 30 हजार रुपये दिली आहे. 40 मजली असलेल्या या टॉवरमध्ये 3 आणि 4 बीएचकेचे फ्लॅट आहेत. ही बिल्डिंग अंडर कन्स्ट्रक्शन आहे.
कोब्रा आणि पिटबुल यांच्यात झटापट
पिटबुल डॉग आणि किंग कोब्रा यांच्यात एक तासापर्यंत झटापट झाली. गार्डनमध्ये किंग कोब्रा सरपटत असताना पिटबुल डॉगने या सापावर हल्ला चढवला. या किंग कोब्राला तोंडात धरून त्याला जमिनीवर आपटले. यात किंग कोब्रा ठार झाल्याचे या व्हिडीओत दिसत आहे.
बिल गेट्स टाइम्स स्क्वेअरच्या स्ट्रीट फूडवर
मायक्रोसॉफ्टचे सह-संस्थापक बिल गेट्स यांचा एक व्हिडीओ सोशल मीडियावर तुफान व्हायरल होत आहे. या व्हिडीओत बिल गेट्स हे न्यूयॉर्कमधील टाइम्स स्क्वेअरजवळील एका स्ट्रीट वेंडरकडून हॉट डॉग खरेदी करत असून रस्त्यावर त्याचा आस्वाद घेताना दिसत आहेत. या व्हिडीओने अनेकांना आश्चर्यचकित केले आहे. फोटो जर्नालिस्ट एल्डर ऑर्डोनेज यांनी हा व्हिडीओ इन्स्टाग्रामवर शेअर केला आहे. या व्हिडीओवर नेटिजन्सनी भरभरून कमेंट केल्या आहेत. अब्जावधी रुपयांची संपत्ती असूनही बिल गेट्स हे स्ट्रीट फूडचा आस्वाद घेत असल्याने अनेकांनी त्यांचे कौतुक केले आहे. हिंदुस्थान दौऱ्यावर आले असता बिल गेट्स यांनी नागपूरच्या डॉली चायवाला याच्या चहाच्या टपरीवर जाऊन चहाचा आस्वाद घेतला होता.
बापरे! सोने 75 हजार रुपये तोळा
लग्नसराई तोंडावर आली असताना सोन्याचा भाव 75 हजार रुपये तोळ्यावर गेला आहे. सोन्याचे दर पाहून सोने खरेदी करणाऱयांचे डोळे पांढरे होत आहेत. बुधवारी सोन्याचा भाव प्रति 10 ग्रॅम 75,049 रुपयांवर पोहोचला.
चेन्नईहून दुबईला जाणाऱ्या विमानात धूर
चेन्नई विमानतळावर असलेल्या अमिरात एअरलाइन्सच्या विमानाच्या इंजिनमध्ये अचानक धूर निघाल्याने प्रवाशांमध्ये एकच खळबळ उडाली. हे विमान चेन्नईहून दुबईला जात होते. या विमानात 280 प्रवासी होते.
तुंबाडने 12 दिवसात 22 कोटी कमावले
सहा वर्षांनंतर पुन्हा प्रदर्शित झालेल्या ‘तुंबाड’ या हॉरर चित्रपटाला जबरदस्त प्रतिसाद मिळाला आहे. या चित्रपटाने अवघ्या 12 दिवसांत 22.75 कोटी रुपयांचा गल्ला जमवला आहे. या चित्रपटाला जबरदस्त ओपनिंग मिळाली होती.
ऋतिक रोशनच्या ‘वॉर-2’ मधील सीन लीक
बॉलीवूडचा अभिनेता ऋतिक रोशन आणि कियारा अडवाणी हे दोघेही ‘वॉर 2’ या आगमी चित्रपटाच्या शूटिंगमध्ये व्यस्त आहेत. चित्रपटाचे शूटिंग इटलीत सुरू असून चित्रपटाच्या गाण्याचा व्हिडीओ लीक झाल्याचे समोर आले आहे.
