गुजरातमध्ये ट्रेन दुर्घटना घडली आहे. सूरतजवळ सौराष्ट्र एक्सप्रेस रुळावरून घसरली. या अपघातात कुणीही जखमी किंवा जीवितहानी झाली नाही. अपघाताची माहिती मिळताच रेल्वे प्रशासनाची टीम आणि आपत्कालीन पथक घटनास्थळी दाखल झाले. अपघाताचे कारण अद्याप समजू शकले नाही.
दादर-पोरबंदर सौराष्ट्र एक्सप्रेस किम स्थानकातून दुपारी 3.32 वाजता सुटत असतानाच ही घटना घडली. एक्सप्रेसचे चार डबे रुळावरून घसरले. वरिष्ठ अधिकाऱ्यांच्या देखरेखीखाली वाहतूक सुरळीत करण्याचे प्रयत्न सुरू आहेत.
