तुमच्या मोबाईलवरून मटका खेळत तुम्ही दोन कोटी कमावले आहेत. यासंदर्भात आमच्याकडे चौकशी आली आहे. न्यायालयाने तुम्हाला अटक करण्याचा हुकूम दिला आहे, असे सांगत एका तोतया पोलिसाने डोंबिवलीतील सेवानिवृत्त ज्येष्ठ नागरिकाला 74 लाख रुपयांचा गंडा घातल्याची घटना उघडकीस झाली आहे. याप्रकरणी सायबर गुन्हे आणि मानपाडा पोलिसांनी माहिती तंत्रज्ञान कायद्यान्वये अज्ञात इसमाविरोधात गुन्हा दाखल केला आहे.
डोंबिवलीतील पलावा गृहसंकुलात एका परदेशी कंपनीतून वरिष्ठ पदावरून निवृत्ती दिवसांपूर्वी त्यांना मोबाईलवरून एका अज्ञात इसमाने संपर्क केला. मी मुंबईतील एका पोलीस ठाण्यातून वरिष्ठ पोलीस निरीक्षक बोलतो आहे. तुम्ही नवीन मोबाईल सीम कार्ड घेतले आहे. या कार्डसाठी वापरलेल्या आधार कार्डाच्या माध्यमातून तुमच्या एका हस्तकाने गैरव्यवहार केले आहेत. तुम्ही मटक्याच्या माध्यमातून दोन कोटी कमावले आहेत, अशी दमबाजी या अज्ञात इसमाने केली. या चौकशीला घाबरून सेवानिवृत्त ज्येष्ठ नागरिकाने 74 लाखांची रक्कम तोतया पोलीस अधिकाऱ्याने दिलेल्या बँक खात्यावर वळती केली.
