चिपळूण शहरातील चिंचनाका भागातील भर रस्त्यावर रविवारी मध्यरात्रीनंतर एक मोठी मगर मुक्तपणे फिरताना आढळली. त्यामुळे परिसरातील नागरिकांमध्ये दहशतीचे वातावरण आहे.
चिपळूण आणि चिपळूणवासियांना मगरीचे दर्शन नवे नाही. मात्र, अजून जोरदार पावसाची सुरुवातही नाही, तसेच शहरात सध्या पुरासारखी स्थिती नाही. तरीही भर रस्त्यात एक मोठी मगर मनसोक्तपणे फिरताना दिसल्याने नागरिकांमध्ये भीतीचे वातावरण आहे. काही वाहनचालकांनी रस्त्यावर वावरणाऱ्या मगरीचे मोबाईल कॅमेऱ्यात चित्राकरण केले. त्यानंतर सोशल मीडियावर याचे व्हिडीओ चांगलेच व्हायरल होत आहेत.
पावसाळा सुरू झाला असला तरी चिपळूण शहरात सध्या पुरासारखी परिस्थिती नसतानाही अचानक भर रस्त्यात मगरीचे दर्शन घडले. रस्त्यावर मगर दिसताच याची माहिती वन विभागाला देण्यात आली आहे.
