संगीतप्रेमींसाठी पर्वणी असलेला ब्रिटीश बँण्डचा कोल्डप्लेचा कॉन्सर्ट नुकताच अहमदाबादचा झाला. नरेंद्र मोदी स्टेडियममध्ये हजारो लोकांनी या आयकॉनिक ब्रिटीश बँण्ड चा लाइव्ह परफॉर्मन्स पाहायला गर्दी केली होती. या शो च्या अनेक क्लिप्स व्हायरल होत आहेत. अशातच यातील एका व्हिडीओने सर्वांचेच लक्ष वेधले असून चर्चेचा विषय बनला आहे.
लाइव्ह परफॉर्मन्समध्ये Viva la Vida या गाण्याच्या परफॉर्मन्सदरम्यान अचानक दोन तरुणांमध्ये वाद झाला. हा वाद इतका वाढला की, तो हाणामारीपर्यंत पोहोचला. आजूबाजूच्या लोकांनी मध्यस्थी करण्याचा प्रयत्न केला, मात्र प्रकरण इतके वाढले की एका तरुणाने दुसऱ्याचा हाताचा चावा घेतला. या व्हायरल व्हिडिओला ‘घर के क्लेश’ नावाच्या अकाऊंटवरुन शेअर करण्यात आले आहे. ज्यावर ‘Coldplay च्या कन्सर्टमध्ये क्लेश’ अशी कॅप्शन दिली आहे. कोल्डप्लेच्या या आयकॉनिक कॉन्सर्टमध्ये कार्तिक आर्यन, सुहाना खान, विजय वर्मा आणि क्रिकेट लीजेंड सचिन तेंडुलकर यांसारखे सेलिब्रिटीही दिसले. मात्र, यावेळी कॉन्सर्ट जास्तच लक्षवेधक ठरला आहे.
Kalesh during Coldplay Concert (Viva la Vida turns into Viva La Kalesh) Ahmedabad pic.twitter.com/DEzSdueGtX
— Ghar Ke Kalesh (@gharkekalesh) January 28, 2025
अहमदाबादच्या नरेंद्र मोदी स्टेडियमवर रविवारी कोल्डप्लेची अखेरचा कॉन्सर्ट झाला. जिथे बँडचा फ्रंट मॅन क्रिस मार्टिन याने खास हिंदुस्थानी प्रेक्षकांची मनं जिंकली. त्याने खास अंदाजात ‘वंदे मातरम’ आणि ‘माँ तुझे सलाम’ गाऊन त्यांनी 76व्या प्रजासत्ताक दिनाच्या शुभेच्छा दिल्या. यानंतर त्यांनी या अप्रतिम मैफलीची सांगता केली.
