दक्षिण चीनमधील एका कंपनीने आपल्या कर्मचाऱ्यांना ठराविक वेळेसाठी शौचालयाचा वापरण्याचा नियम बनवला आहे. कंपनीने प्राचीन काळाचा दाखला देत हा टॉयलेट रूल तयार केला आहे. शौचालयाचा वापर करण्यासा कर्मचाऱ्यांना फक्त 2 मिनिटांचा वेळ देण्यात आला आहे. जर कर्मचारी वारंवार तिथे गेला तर 1200 रुपये दंड आकारला जाईल. तसेच पगार कपातही करण्यात येईल. कंपनीच्या या नियमांबद्दल कर्मचाऱ्यांनी तक्रारी केल्या तसेच या रुलचे वृत्त पसरताच कंपनीला नियम मागे घ्यावा लागला आहे.
कंपनीचा असा युक्तिवाद आहे की हे धोरण प्राचीन चिनी वैद्यकीय शास्त्राशी सुसंगत आहे. या निमाचा उद्देश सुव्यवस्था राखणे, कार्यक्षमता वाढवणे आणि कामाच्या ठिकाणाचा दृष्टिकोन सुधारणे असल्याचे कंपनीने सांगितले. या निमानुसार कर्मचाऱ्यांना सकाळी 8 वाजण्यापूर्वी, सकाळी 10.30 ते 10.40, दुपारी 12 ते 1.30, दुपारी 3.30 ते 3.40 आणि संध्याकाळी 5.30 ते 6 वाजेपर्यंत शौचालय वापरण्याची परवानगी आहे. ओव्हरटाईम शिफ्टमध्ये काम करणाऱ्या कर्मचाऱ्यांना रात्री 9 नंतर परवानगी देण्यात आली आहे.
या वेळेव्यतिरीक्त कामगारांना गरज असल्यास ते शौचालयात जाऊ शकतात. मात्र, त्यांना फक्त दोन मिनिटांपर्यंत वेळ मिळेल. कंपनीने सकाळी आणि दुपारी काही विशिष्ट वेळी शौचालय वापरण्यावर कडक निर्बंध लादले आहेत. त्यात ओव्हरटाइम शिफ्टचाही समावेश आहे. ज्या कर्मचाऱ्यांना विशिष्ट शारीरिक समस्यांमुळे वारंवार शौचालयात जावे लागते ते यासाठी परवानगी घेऊ शकतात. तथापि, या कालावधीत घालवलेल्या वेळेसाठी त्याचा पगार कापला जाईल. या नियमावर सर्व स्तरांतून टीका झाली आहे.
हा नियम कामगारांच्या आरोग्याला धोका निर्माण करून कामगार कायद्यांचे उल्लंघन करतो. कायद्यानुसार कर्मचाऱ्यांचे वेतन, कामाचे तास, विश्रांतीचा कालावधी, सुट्ट्या किंवा सुरक्षा प्रोटोकॉलमधील कोणतेही बदल सर्व कर्मचाऱ्यांच्या किंवा त्यांच्या प्रतिनिधींच्या उपस्थितीत चर्चा करून परस्पर सहमती सुनिश्चित करावी, असे तम वकिलांनी व्यक्त केले. या निर्णयामुळे वाद वाढत असल्याने कंपनीने अखेर हा निर्णय मागे घेतला आहे.
