छत्तीसगडमध्ये नक्षलवाद्यांना दोन गावकऱ्यांची हत्या केल्याची घटना उघडकीस आली आहे. बिजापूर जिल्ह्यातील बुगदीचेरू गावात सोमवारी रात्री ही घटना घडली. करम राजू आणि माडवी मुन्ना अशी हत्या केलेल्या व्यक्तींची नावे आहेत.
घटनेची माहिती मिळताच बिजापूर पोलिसांचे पथक घटनास्थळी दाखल झाले. पोलिसांनी दोन्ही मृतदेह ताब्यात घेत शवविच्छेदनासाठी रुग्णालयात पाठवले. या घटनेनंतर गावकऱ्यांमध्ये भीतीचे वातावरण आहे.
याआधी 26 जानेवारी रोजी भैरमगढ परिसरात गुप्त माहिती पुरवल्याच्या संशयातून नक्षलवाद्यांनी एका व्यक्तीची हत्या केली होती.
