विधानसभा निवडणुकीच्या आचारसंहिता काळात गुरुवारी सायंकाळी निल्लोड येथे निवडणूक आयोगाला कोटय़वधींचे घबाड सापडले. छत्रपती संभाजीनगर-जळगाव रोडवर स्थिर पथकाने गाडी अडवली. त्यात 19 कोटी रुपयांचे सोन्या-चांदीचे दागिने सापडले. हे दागिने जळगावच्या नामांकित ज्वेलर्सचे असल्याची माहिती मिळाली आहे. ऐन निवडणुकीत घबाड हाती लागल्याने खळबळ उडाली आहे. सर्व दागिने जीएसटी विभागाकडे सोपवले असून दागिने खरेदी-विक्री व्यवहारांची सखोल चौकशी सुरू आहे. संबंधित कागदपत्रांची कसून पडताळणी केली जात आहे.
