चेन्नईच्या एम. चिदंबरम मैदानावर चेन्नई सुपर किंग्स आणि दिल्ली कॅपिटल्स संघात सामना सुरू आहे. हा सामना सुरू असताना सोशल मीडियावर रिटायरमेंट हॅशटॅग ट्रेंड आहे. यासोबत महेंद्रसिंग धोनी आणि आर. अश्विन ही नावे ही ट्रेंड होत आहे. विशेष म्हणजे हा सामना पहायला धोनीचे आई-वडीलही उपस्थित आहेत. तर दुसरीकडे अश्विनेही आपल्याला चेपॉकवर शेवटचा सामना खेळायला मिळावा अशी इच्छा व्यक्त केली होती. त्यामुळे या दोघांपैकी नेमकं कोण आज क्रिकेटला रामराम करतो याकडे क्रीडा प्रेमींचे लक्ष लागले आहे.
