चंद्रपूर शहराजवळ मोरवा येथे भीषण आगीची घटना उघडकीस आली आहे. ईगल नामक ढाब्याच्या मागे असलेल्या अवैध गौदामाला ही आग लागली. यामुळे गोदामाजवळ असलेल्या भंगार गोदामाला देखील आग लागली.
मिळालेल्या माहितीनुसार, डीझेल- ऑइलच्या अवैध साठ्याला आग लागल्याची प्राथमिक माहिती समोर आली आहे. अग्निशमन दलाच्या गाड्या घटनास्थळी दाखल झाल्या आहेत. महामार्गालगत असलेल्या या अवैध डिझेल आणि भंगार गोदामाला आग लागली आहे. ही जागा नक्की कुणाच्या मालकीची याबाबत संभ्रम आहे. पोलीस आणि महसूल अधिकारी घटनास्थळी दाखल झाले असून आगीवर नियंत्रण मिळवण्याचे प्रयत्न सुरू आहेत.
