मध्य रेल्वेच्या प्रवाशांना जवळपास रोजच आपल्या गंतव्य स्थानी पोहोचण्यास उशीर होत असल्याचं पाहायला मिळत आहे. अनेक जण याविषयी सोशल मीडियावर व्यक्त होत असतात. आज देखील सकाळच्या वेळात कामावर निघालेल्या नोकरदार वर्गाला आपल्या गंतव्य स्थानी पोहोचण्यास उशीर झाला. कारण मध्य रेल्वेची मुंबईच्या दिशेने होणारी वाहतूक 10 ते 15 मिनिटे उशिराने सुरू होती. मात्र लोकल वाहतूक उशिराने होण्यामागे काय कारण आहे याची माहिती देण्यात येत नव्हती.त्यामुळे प्रवासी हैराण झाले आहेत.
