स्टार प्लसवरील प्रसिद्ध मालिका अनुपमाच्या सेटवर मोठी दुर्घटना घडली आहे. ज्याने एका कर्मचाऱ्याला आपला जीव गमवावा लागला आहे.
विनीत कुमार मंजल (32) असे त्या कर्मचाऱ्याचे नाव आहे. 14 नोव्हेंबर रोजी शॉक लागून त्याचा मृत्यू झाला आहे. तो या शो मध्ये कॅमेरा अटेंडेंट म्हणून काम करत होता. दरम्यान तो काही तांत्रिक गोष्टी हाताळत असताना ही घटना घडली. यावेळी त्याचा चुकून विजेच्या तारेला स्पर्श झाला.त्यावेळी ही दुर्घटना घडली आहे. मात्र त्यानंतर या शो चे निर्माते आणि टीमवर आरोप होऊ लागले आहेत. सेटवर सुरक्षेबाबात खबरदारी न घेतल्याने विनीतचा मृत्यू झाल्याचे समजते.
ऑल इंडिया सिने वर्कर्स असोसिएशनचे (एआयसीडब्ल्यूए) अध्यक्ष सुरेश गुप्ता यांनी इंडियन एक्स्प्रेसशी बोलताना निर्माते आणि चॅनलने सेटवर सुरक्षेची खबरदारी घेतली नाही अशी टीका केली. ते म्हणाले, “गेल्या काही वर्षांपासून ‘अनुपमा’चे शूटिंग सुरू आहे. मात्र, 14 नोव्हेंबरला सेटवर एक घटना घडली, ज्यामध्ये आमचा एक कर्मचारी विनीत कुमार मंडल याला विजेचा धक्का लागल्याने मृत्यू झाला.
