दिल्लीतील बुरारी भागात सोमवारी सायंकाळी चार मजली इमारत कोसळून मोठी दुर्घटना घडली. इमारतीच्या ढिगाऱ्याखाली अनेक लोक अडकल्याची भीती व्यक्त करण्यात येत आहे. अपघाताची माहिती मिळताच घटनास्थळी NDRF ची टीम पोहोचली असून बचावकार्य सुरू आहे. आत्तापर्यंत 10 जणांना वाचवण्यात यश आले आहे. या अपघातात दोन जणांचा मृत्यू झाल्याची माहिती दिल्ली पोलिसांनी दिली आहे. यामध्ये 6 आणि 14 वर्षीय अशा दोन मुलींचा समावेश आहे.
Delhi: A building collapsed in Burari area, and some people may be trapped under the debris. Several fire and ambulance vehicles have been dispatched to the location for rescue operations pic.twitter.com/qs60AzQFWj
— IANS (@ians_india) January 27, 2025
कौशिक एन्क्लेव्हच्या ऑस्कर पब्लिक स्कूलजवळ हा अपघात झाला. आपचे राष्ट्रीय संयोजक, माजी मुख्यमंत्री अरविंद केजरिवाल यांनी देखील ट्वीट करत याबाबत माहिती दिली आहे. “ही घटना अतिशय दुःखद आहे. बुरारी येथील आमचे आमदार संजीव झा यांना पक्ष कार्यकर्त्यांसोबत तात्काळ तेथे जाऊन प्रशासनाला मदत आणि बचाव कार्यात मदत करण्याचे निर्देश देण्यात आले आहेत. स्थानिक लोकांनीही कृपया शक्य ती सर्व मदत करा, असे त्यांनी ट्वीट मध्ये म्हंटले आहे.
ये घटना बेहद दुखद है। बुराड़ी से हमारे विधायक संजीव झा जी को निर्देश दिए हैं कि तुरंत पार्टी कार्यकर्ताओं के साथ वहाँ जाकर राहत और बचाव कार्य में प्रशासन की मदद करें। स्थानीय लोगों की भी हर संभव सहायता करें। https://t.co/OLsf7FBLfH
— Arvind Kejriwal (@ArvindKejriwal) January 27, 2025
