छत्तीसगडमधील नारायणपुरमध्ये जवानांना घेऊन जाणाऱ्या वाहनाचा अपघात झाला आहे. या अपघातात 15 जवान जखमी झाले असून 5 जवान गंभीर आहेत. मिळालेल्या माहितीनूसार, 407 मॅटाडोरमने सीमा सुरक्षा दलाचे (BSF) जवान प्रवास करत होते. अंतागड-नारायणपूर मार्गावरील कुम्हारी गावाजवळ आल्यानंतर अचानक चालकाचे गाडीवरील नियंत्रण सुटले आणि अपघात झाला. अपघात झाल्याची माहिती मिळताच नारायणपुरचे पोलीस अधिक्षक पुष्कर शर्मा यांनी जखमी जवानांची रुग्णालयात जाऊन भेट घेतली.
