हवाई दलातून निवृत्त विंग कमांडर एमए अफराज यांनी देशभरातून 26 हजार शहीद आणि त्यांच्या कुटुंबीयांचा तपशील जमवला असून, honourpoint.in पोर्टलवर या शौर्यकथा मांडल्या आहेत. देशात जवळपास 200 युद्धस्मारके आहेत, मात्र तेथेही शहिदांची नावे-रँक-रेजिमेंटशिवाय त्यांच्याबाबत जास्त काही नाही. त्यांच्या कुटुंबाबाबत काही तपशील नाही. आमच्या या कथांमुळे शहीदांच्या गरजू कुटुंबांना मदत करण्यासाठी डॉक्टरांसह विविध क्षेत्रांतील लोक पुढे येत आहेत. हुतात्मे व त्यांच्या कुटुंबाची आठवण ठेवावी, हाच आमचा उद्देश आहे, असे अफराज यांनी सांगितले.
