सारा अली खानने बॉलिवूडमध्ये स्वतःचं एक वेगळं स्थान निर्माण केलं आहे. 2018 मध्ये प्रदर्शित झालेल्या केदारनाथ चित्रपटामधून तिने बॉलिवूडमध्ये पदार्पण केलं. सोशल मीडियावर तिच्या स्टायलिश लूकसाठी कायम चर्चेत असते. ती वेगवेगळ्या हटके स्टाईल करत तिच्या चाहत्यांचे लक्ष वेधत असते. आता सारा अली खानने नुकतेच गुलाबी रंगाच्या आऊटफिटमध्ये फोटो शेअर केले आहेत त्यात ती अगदी बार्बी दिसत असून चाहत्यांनी तिच्या या फोटोचे प्रचंड कौतुक केले आहे. सारा अली खान नुकतीच एका इव्हेंटमध्ये शॉर्ट गुलाबी रंगाच्या ड्रेसमध्ये दिसली. सारा या ड्रेसमध्ये अगदी बार्बी डॉलसारखी दिसत होती. साराने गुलाबी रंगाचा ट्युह फ्रॉक घातला होता त्यावर एक मोठा बो होता जो आकर्षक दिसत होता. साराने या आऊटफिटवर हलका मेकअप आणि सुंदर हेअरस्टाईल केली होती. तिने कानात स्टडिड बो इअरिंग घातले होते. तिने आपल्या या ड्रेसवर गुलाबी रंगाचे ब्लॉक हाय हिल्स घातले होते. सध्या तिच्या या बार्बी लूकचे फोटो सोशल मीडियावर व्हायरल होत आहेत.
