भारतीय कामगार सेनेच्या वतीने सांताक्रुझ येथील ग्रॅण्ड हयात हॉटेलमध्ये आयोजित करण्यात आलेल्या रक्तदान शिबिराला उत्स्फूर्त प्रतिसाद मिळाला. शिबिरात हॉटेलमधील अडीचशे कर्मचाऱ्यांनी रक्तदान केले.
मुंबईतील वाढत्या रक्त तुटवडय़ाची गरज पाहता भारतीय कामगार सेनेच्या वतीने चिटणीस मनोज धुमाळ यांच्या मार्गदर्शनाखाली यंदाही ग्रॅण्ड हयात हॉटेलमध्ये रक्तदान शिबिराचे आयोजन करण्यात आले होते. या रक्तदान शिबिराला शिवसेना नेते- खासदार संजय राऊत, भारतीय कामगार सेनेचे अध्यक्ष, शिवसेना नेते- खासदार अरविंद सावंत, शिवसेना सचिव-खासदार अनिल देसाई, शिवसेना सचिव विनायक राऊत, शिवसेना नेते, विभागप्रमुख-आमदार अॅड. अनिल परब, शिवसेना नेते-आमदार सुनील प्रभू, शिवसेना उपनेते -आमदार सचिन अहिर, आमदार संजय पोतनीस, वरुण सरदेसाई, सदा परब, शिवसेना सचिव साईनाथ दुर्गे, भारतीय कामगार सेनेचे कार्याध्यक्ष अजित साळवी, व्यवस्थापनाकडून एचआर हेड राहुल सिंग, हॉटेल मॅनेजर सुमित दत्ता आदी उपस्थित होते. या शिबिराची तयारी युनिट कमिटीकडून प्रशांत नाईक, अभय प्रभू, सिद्धेश पांढरकामे, संदेश परब, कुश गवस, संजय पातये, प्राजक्त तेली, हीना शेख, मेघना पंडीलवार, हिमांशू पावसकर यांनी केली.
z ग्रॅण्ड हयात हॉटेलमध्ये दरवर्षी रक्तदान शिबीर, शेतकरी मदतनिधी असे समाजोपयोगी उपक्रम राबवले जातात. तसेच गुढीपाडवा, हिंदुहृदयसम्राट शिवसेनाप्रमुख बाळासाहेब ठाकरे यांची जयंती उत्साहात साजरी केली जाते.
