बॉलिवडू अभिनेता सलमान खान, शाहरुख खाननंतर आता भोजपुरी अभिनेत्री अक्षरा सिंह हिला जीवे मारण्याची धमकी मिळाली आहे. अभिनेत्रीला एका अनोळखी नंबरवरून जीवे मारण्याची धमकी मिळाली आहे. फोन करणारा तिच्याशी आक्षेपार्ह भाषेत बोलला असून त्याने 50 लाख रुपयांची खंडणीही मागितली. त्यानंतर अभिनेत्रीने दानापूर पोलीस ठाण्यात लेखी तक्रार दाखल केली आहे.
अक्षरा सिंहच्या तक्रारीनंतर पोलिसांनी गुन्हा दाखल करून तपास सुरू केला आहे. तिने तक्रारीत म्हटले आहे की, 11 नोव्हेंबर रोजी सकाळी 12 वाजून 20 मिनीटांनी तिला दोन वेगवेगळ्या नंबरवरून कॉल आले. फोन येताच कॉलरने तिला शिवीगाळ करून धमकावले होते. दोन दिवसांत 50 लाख न दिल्यास जीवे मारण्याची धमकी फोन करणाऱ्याने दिली आहे. पोलीस स्टेशन प्रभारी प्रशांत कुमार भारद्वाज यांनी भोजपुरी अभिनेत्री अक्षरा सिंगने तिची खंडणी मागून तिला जीवे मारण्याची धमकी देण्यात आली आहे. या घटनेचा सध्या तपास सुरु असून फोन करणाऱ्याची ओळख पटविण्यात आली आहे.
अभिनेत्री अक्षरा सिंह भोजपुरी सिनेमात सर्वाधिक मानधन घेणारी अभिनेत्री आहे. अक्षराने रवि किशन यांच्यासोबत सत्यमेव जयते या सिनेमातून आपल्या अभिनयाच्या कारकि‍र्दीला सुरुवात केली आहे. ‘सत्या’, ‘ताबादला’ आणि ‘मा तुझे सलाम’ आदी अनेक लोकप्रिय सिनेमांमध्ये ती दिसली आहे. तसेच तिने अनेक सुपरहिट गाणी गायली आहेत. अक्षरा तिच्या दमदार अभिनय आणि गायनासाठी प्रसिद्ध आहे.
