माजी मंत्री बाबा सिद्दिकी यांच्या हत्ये प्रकरणात मुंबई गुन्हे शाखेने आणखी एका आरोपीला पकडले. आकाशदीप गिल (22) असे त्याचे नाव असून त्याला पंजाबमध्ये पकडण्यात आले. बाबा सिद्दिकी हत्याकांडात मुंबई गुन्हे शाखेने आतापर्यंत दोन डझनहून अधिक आरोपींना पकडले आहे. आता याच गुह्यात पंजाब गँगस्टरविरोधी पथकाच्या मदतीने मुंबई गुन्हे शाखेने आकाशदीप गिल याला पकडले. त्याचा ट्रान्झिट रिमांड घेऊन मुंबईत आणण्यात येणार आहे.
