अमित शहा तुमच्यासाठी असेल ती समाधी हिंदुस्थानींसाठी, सर्व धर्मीयांसाठी ही कबर आहे. कारण महाराष्ट्रावर चालून आल्यानंतर एका क्रूरकर्म्याला कसा गाडण्यात आलं. त्याचा तो इतिहास आहे, असं म्हणत काँग्रेसचे मुख्य प्रवक्ता अतुल लोंढे यांनी केंद्रीय गृहमंत्री अमित शहा यांचण्यावर टीका केली आहे.
हिंदवी स्वराज्याचे संस्थापक छत्रपती शिवाजी महाराज यांच्या 345 व्या पुण्यतिथीनिमित्त अमित शहा हे शनिवारी किल्ले रायगडावर आले होते. यावेळी रायगडावरून केलेल्या भाषणात शहा यांनी छत्रपती शिवाजी महाराजांचा एकेरी उल्लेख केला, तसेच औरंगजेबाच्या कबरीला समाधी म्हणाले. यावरूनच लोंढे यांनी त्यांच्यावर टीका केली आहे.
माध्यमांशी संवाद साधताना अतुल लोंढे म्हणाले की, “समाधी ही थोर पुरुष संत, महात्मा यांची असते, क्रूरकर्म्याची नाही. तुम्ही जे बोलले ते तुमच्या मनातलं आहे, शहा. आम्हीच आता देवेंद्र फडणवीस यांना विचारायचं आहे, यावर त्यांचं काय म्हणणं आहे?”
