राष्ट्रवादी काँग्रेस पक्षाचे (अजित पवार) आमदार अण्णा बनसोडे यांची विधानसभेच्या उपाध्यक्षपदी बिनविरोध निवड झाली आहे. उद्या (बुधवारी) विधानसभेत याबाबत औपचारिक घोषणा होईल.
विधानसभा उपाध्यक्ष पदासाठी महायुतीच्या वतीने बनसोडे यांचा एकमेव अर्ज आला होता. आज दुपारी अर्ज पडताळणीत हा अर्ज वैध ठरला आहे. बुधवारी उपाध्यक्षपदी बनसोडे यांची नियुक्ती झाल्याची घोषणा विधानसभा अध्यक्षांकडून सभागृहात होईल. अनुसूचित जातीसाठी राखीव असलेल्या पिंपरी विधानसभा मतदारसंघाचे ते विद्यमान आमदार आहेत.
