अक्षय कुमारने आज वाढदिवसानिमित्त आपल्या चाहत्यांना मोठं सरप्राईज दिलं आहे. अक्षय कुमारचा आज वाढदिवस आहे. आपल्या वाढदिवसानिमित्त अक्षयने नव्या चित्रपटाची घोषणा केली आहे. त्यासोबतच त्या चित्रपटाचा फर्स्ट लुक पोस्टर सोशल मीडियावर पोस्ट केलं आहे.
अक्षयने आज आपल्या वाढदिवसानिमित्त त्याचा आगामी चित्रपट ‘भूत बंगला’ ची घोषणा केली आहे. यासोबतच त्याने आपल्या इन्स्टाग्राम अकाउंटला व्हिडिओ पोस्ट करत या हॉरर कॉमेडी चित्रपटाची पहिली झलकही दाखवत चाहत्यांना सरप्राईज केलं आहे. या पोस्टमध्ये अक्षय हॉरर बॅग्राउंडसह तो एक काळ्या मांजरीबरोबर दिसत आहेत. आणि मनोरंजक गोष्ट म्हणजे या चित्रपटाचे निर्देशन प्रियदर्शन यांनी केलं आहे.
View this post on Instagram
वर्षानुवर्षे माझ्या वाढदिवशी तुमच्या प्रेमाबद्दल धन्यवाद! ‘भूत बांगला’च्या फर्स्ट लुकसह हे वर्ष साजरे करत आहे! 14 वर्षांनंतर पुन्हा एकदा प्रियदर्शनसोबत काम करण्यासाठी मी खूप उत्साहित आहे. मोठ्या कालावधीनंतर एक स्वप्न पूर्ण होत आहे. हा अविश्वसनीय प्रवास तुमच्यासोबत शेअर करण्यासाठी उत्सुक आहे. जादूसाठी तयार रहा, असं मजेशीर कॅप्शन अक्षयने पोस्टला दिलं आहे.
