भाजप, मिंधे गट आणि अजित पवार गटातील अंतर्गत वाद आणखी उफाळून आला असून वादग्रस्त वक्तव्ये थांबली नाहीत तर आमच्याही कार्यकर्त्यांना आवरायला अडचणीचे जाईल, असा इशारा अजित पवार यांनी थेट मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना दिला आहे.
आरोग्यमंत्री आणि शिंदे गटाचे नेते तानाजी सावंत तसेच गणेश हाके यांच्या अजित पवार गटाच्या विरोधातील वादग्रस्त विधानांमुळे अजित पवारांनी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याकडे नाराजी व्यक्त केली. त्यानंतर आज नागपूरच्या रामगिरी येथे महायुतीची बैठक झाली. या बैठकीत अजित पवार यांनी दोन्ही नेत्यांना पुन्हा इशारा दिला.
