कोल्हापूर दौऱ्यावर असलेले उपमुख्यमंत्री अजित पवार यांच्या ताफ्यातील शासकीय वाहन खराब होते. यामुळे अजितदादा जिल्हाधिकारी अमोल येडगे यांच्यावर भडकल्याचे पाहायला मिळाले. कोल्हापूर जिल्ह्यातील वरिष्ठ अधिकाऱयांची बैठक जिल्हाधिकारी कार्यालयात आयोजित केली होती. विमानतळापासून जिल्हाधिकारी कार्यालयापर्यंत येण्यासाठी उपमुख्यमंत्री अजित पवार यांच्या ताफ्यातील गाडी खराब होती. जिल्हाधिकारी कार्यालयात आल्यानंतर अजित पवार यांनी आपला मोर्चा थेट जिल्हाधिकाऱयांकडे वळवला. ‘‘तुम्ही गाडय़ा घ्या ना कलेक्टर… मी आताच्या आता दोन गाडय़ांची ऑर्डर देतो, आधी ही गाडी बदला,’’ अशी सूचना अजितदादांनी केली.
