जम्मू-कश्मीरमधील कटरा येथील वैष्णोदेवी रोपवे प्रकल्पाविरोधात आज स्थानिक दुकानदार आणि मजुरांनी सलग चौथ्या दिवशी आंदोलन केले. आंदोलकांनी श्री माता वैष्णोदेवी श्राइन बोर्डाच्या विरोधात घोषणाबाजी केली. पोलिसांनी आंदोलकांना रोखण्याचा प्रयत्न केला असता दोघांमध्ये हाणामारी झाली. या चकमकीत एक पोलीस जखमी झाला. आंदोलकांनी सुरुवातीला दंडाधिकारी कार्यालयाबाहेर निषेध रॅली काढली. त्यानंतर शालिमार पार्कबाहेर आंदोलन करण्यात आले. दरम्यान वैष्णोदेवी दर्शनासाठी जाणाऱया लोकांसाठी शालिमार पार्कमध्येच बेस पॅम्प तयार करण्यात आला आहे.
