विधानसभा निवडणुकीची रणधुमाळी जोरात सुरू आहे. सोशल मीडियावरूनही मोठय़ा प्रमाणात प्रचार केला जात आहे. परंतु, जर व्हॉट्सअॅपवरून निवडणुकीसंबंधी चुकीची किंवा आक्षेपार्ह माहिती प्रसारित झाली तर त्याला अॅडमिन जबाबदार असणार आहे. त्यामुळे अॅडमिनने खबरदारी घेणे गरजेचे आहे. निवडणुकीसंबंधी गैरकृत्य रोखण्यासाठी पोलीस स्टेशनवरून सोशल मीडिया ग्रुपच्या अॅडमिन आणि सदस्यांसाठी महत्त्वपूर्ण सूचना देण्यात आल्या आहेत.
